JSON:Kathalakshanam: Difference between revisions

"schema": 2,

"text": "नरसिंहमखिलाज्ञानतिमिराशिशिरद्युतिम् ।\nसम्प्रणम्य प्रवक्ष्यामि कथालक्षणमञ्जसा ॥1॥"

"text": "वादो जल्पो वितण्डेति त्रिविधा विदुषां कथा ।\nतत्त्वनिर्णयमुद्दिश्य केवलं गुरुशिष्ययोः ॥2॥"

"text": "कथाऽन्येषामपि सतां वादो वा समितेः शुभा ।\nख्यात्याद्यर्थं स्पर्धया वा सतां जल्प इतीर्यते ॥3॥"

"text": "वितण्डा तु सतामन्यैस्तत्त्वमेषु निगूहितम् ।\nस्वयं वा प्राश्निकैर्वादे चिन्तयेत् तत्त्वनिर्णयम् ॥4॥"

"text": "रागद्वेषविहीनास्तु सर्वविद्याविशारदाः ।\nप्राश्निका इति सम्प्रोक्ता विषमा एक एव वा ॥5॥"

"text": "अशेषसंशयच्छेत्ता निःसंशय उदारधीः ।\nएकश्चेत् प्राश्निको ज्ञेयः सर्वदोषविवर्जितः ॥6॥"

"text": "एको वा बहवो वा स्युर्विष्णुभक्तिपरास्सदा ।\nविष्णुभक्तिर्हि सर्वेषां सद्गुणानां स्वलक्षणम् ॥7॥"

"text": "पृष्टेनागम एवादौ वक्तव्यः साध्यसिद्धये ।\nनैषा तर्केणापनेया मतिरित्याह हि श्रुतिः ।\nअन्यार्थ एवागमस्य वक्तव्यः प्रतिवादिना ॥8॥"

"text": "ऋग्यजुःसामाथर्वाश्च भारतं पञ्चरात्रकम् ।\nमूलरामायणं चैव सम्प्रोच्यन्ते सदागमाः ॥9॥"

"text": "अनुकूला य एतेषां ते च प्रोक्तास्सदागमाः ।\nअन्ये दुरागमा नाम तैर्न साध्यं हि साध्यते ॥10॥"

"text": "स्वपक्ष आगमश्चैव वक्तव्यः प्रतिवादिना ।\nतस्याप्यन्यार्थता साध्या वादिना स्वार्थसिद्धये ॥11॥"

"text": "अन्यार्थता निराकार्या स्वागमस्य विनिश्चयम् ।\nउपपत्त्यवकाशोऽत्र ह्यागमार्थविनिर्णये ॥12॥"

"text": "वाद्यागमार्थे निर्णीत आगमार्थः परस्य तु ।\nनिर्णेयः सहितैः पश्चात्ततो निश्शेषनिर्णयः ॥13॥"

"text": "प्रत्यक्षसिद्धेष्वर्थेषु प्रश्ने मामक्षजं वदेत् ।\nज्ञानं वा ज्ञानसिद्धेषु नानुमां प्रथमं वदेत् ॥14॥"

"text": "परतुष्टिकरं वाक्यं वदेतां यदि वादिनी ।\nस एवात्रागमो ज्ञेयः परतुष्टिर्हि तत्फलम् ॥15॥"

"text": "एवं निर्णयपर्यन्तं वादे सुबहवोऽपि हि ।\nघटेयुश्चिरकालं च जल्पे यावत्परो जितः ॥16॥"

"text": "तत्त्वनिर्णयवैलोम्यं वादे साक्षात्पराजयः ।\nसंवादे श्लाघ्यतैव स्याद् गुरुत्वमितरस्य च ॥17॥"

"text": "तत्त्वनिर्णयवैलोम्ये निन्द्यो दण्ड्योऽथवा भवेत् ।\nविरोधासङ्गतिन्यूनतूष्णीम्भावादिकैर्जितः ॥18॥"

"text": "भवेज्जल्पे वितण्डायां न्यायो जल्पवदीरितः ।\nसंवादे दण्ड्यतां न स्याद् वितण्डाजल्पयोरपि ॥19॥"

"text": "पराजितत्वमात्रं स्यान्निन्द्यो दण्ड्योऽपि वाऽन्यथा ।\nअनुवादादिराहित्यं नैव जल्पेऽपि दूषणम् ॥20॥"

"text": "विद्याहीनत्वलिङ्गेऽपि वादिनोः स्यात् पराजयः ।\nतदभावान्नैव षट्कादन्यो निग्रह इष्यते ॥21॥"

"text": "अन्तर्भावादिहान्येषां निग्रहाणामिति स्म ह ।\nविद्यापरीक्षापूर्वैव वृत्तिर्जल्पवितण्डयोः ॥22॥"

"text": "स्खलितात्वादिमात्रेण न तत्रापि पराजयः ।\nवादजल्पवितण्डानामिति शुद्धं स्वलक्षणम् ॥23॥"

"text": "आनन्दतीर्थमुनिना ब्रह्मतर्कानुसारतः ।\nकथालक्षणमित्युक्तं प्रीत्यर्थं शार्ङ्गधन्वनः ॥24॥"

"text": "सदोदितामितज्ञानपूरवारितहृत्तमाः ।\nनरसिंहः प्रियतमः प्रीयतां पुरुषोत्तमः ॥25॥"