JSON:Krishnamrutamaharnava: Difference between revisions

"schema": 1,

"text": "अर्चितः संस्मृतो ध्यातः कीर्तितः कथितः श्रुतः ।\nयो ददात्यमृतत्वं हि स मां रक्षतु केशवः॥ १॥"

"text": "तापत्रयेण सन्तप्तं यदेतदखिलं जगत् ।\nवक्ष्यामि शान्तये तस्य कृष्णामृतमहार्णवम्॥ २॥"

"text": "ते नराः पशवो लोके किं तेषां जीवने फलम् ।\nयैर्न लब्धा हरेर्दीक्षा नार्चितो वा जनार्दनः॥ ३॥"

"text": "संसारेस्मिन् महाघोरे जन्मरोगभयाकुले ।\nअयमेको महाभागः पूज्यते यदधोक्षजः॥ ४॥"

"text": "स नाम सुकृती लोके कुलं तेनाभ्यलङ्कृतम् ।\nआधारः सर्वभूतानां येन विष्णुः प्रसादितः॥ ५॥"

"text": "यज्ञानां तपसां चैव शुभानां चैव कर्मणाम् ।\nतद्विशिष्टफलं नॄणां सदैवाराधनं हरेः॥ ६॥"

"text": "कलौ कलिमलध्वंसिसर्वपापहरं हरिम् ।\nयेर्चयन्ति सदा नित्यं तेपि वन्द्या यथा हरिः॥ ७॥"

"text": "नास्ति श्रेयस्तमं नॄणां विष्णोराराधनान्मुने ।\nयुगेस्मिंस्तामसे लोके सततं पूज्यते नृभिः॥ ८॥"

"text": "अर्चिते देवदेवेशे शङ्खचक्रगदाधरे ।\nअर्चिताः सर्वदेवाः स्युर्यतः सर्वगतो हरिः॥ ९॥"

"text": "स्वर्चिते सर्वलोकेशे सुरासुरनमस्कृते ।\nकेशवे कंसकेशिघ्ने न याति नरकं नरः॥ १०॥"

"text": "सकृदभ्यर्च्य गोविन्दं बिल्वपत्रेण मानवः ।\nमुक्तिभागी निरातङ्की विष्णुलोके चिरं वसेत्॥ ११॥"

"text": "शङ्करः\nसकृदभ्यर्चितो येन देवदेवो जनार्दनः ।\nयत्कृतं तत्कृतं तेन सम्प्राप्तं परमं पदम्॥ १२॥"

"text": "सकृदभ्यर्चितो येन हेलयापि नमस्कृतः ।\nस याति परमं स्थानं यत्सुरैरपि दुर्लभम्॥ १३॥"

"text": "नारदः समस्तलोकनाथस्य देवदेवस्य शांर्गिणः ।\nसाक्षाद्भगवतो विष्णोः पूजनं जन्मनः फलम्॥ १४॥"

"text": "पुलस्त्यः भक्त्या दूर्वाङ्कुरैः पुम्भिः पूजितः पुरुषोत्तमः ।\nहरिर्ददाति हि फलं सर्वयज्ञैश्च दुर्लभम्॥ १५॥"

"text": "विधिना देवदेवेशः शङ्खचक्रधरो हरिः ।\nफलं ददाति सुलभं सलिलेनापि पूजितः॥ १६॥"

"text": "नरके पच्यमानस्तु यमेन परिभाषितः ।\nकिं त्वया नार्चितो देवः केशवः क्लेशनाशनः॥ १७॥"

"text": "धर्मः द्रव्याणामप्यभावे तु सलिलेनापि पूजितः ।\nयो ददाति स्वकं स्थानं स त्वया किं न पूजितः॥ १८॥"

"text": "नरसिंहो हृषीकेशः पुण्डरीकनिभेक्षणः ।\nस्मरणान्मुक्तिदो नॄणां स त्वया किं न पूजितः॥ १९॥"

"text": "ब्रह्मा गर्भस्थिता मृता वापि मुषितास्ते सुदूषिताः ।\nन प्राप्ता यैर्हरेर्दीक्षा सर्वदुःखविमोचनी॥ २०॥"

"text": "मार्कण्डेयः सकृदभ्यर्चितो येन देवदेवो जनार्दनः ।\nयत्कृतं तत्कृतं तेन सम्प्राप्तं परमं पदम्॥ २१॥"

"text": "धर्मार्थकाममोक्षाणां नान्योपायस्तु विद्यते ।\nसत्यं ब्रवीमि देवेश हृषीकेशार्चनादृते॥ २२॥"

"text": "तस्य यज्ञवराहस्य विष्णोरमिततेजसः ।\nप्रणामं ये प्रकुर्वन्ति तेषामपि नमो नमः॥ २३॥"

"text": "मरीचिः अनाराधितगोविन्दैर्नरैः स्थानं नृपात्मज ।\nन हि सम्प्राप्यते श्रेष्ठं तस्मादाराधयाच्युतम्॥ २४॥"

"text": "अत्रिः\nपरः पराणां पुरुषस्तुष्टो यस्य जनार्दनः ।\nस चाप्नोत्यक्षयं स्थानमेतत्सत्यं मयोदितम्॥ २५॥"

"text": "अङ्गिराः\nयस्यान्तः सर्वमेवेदमच्युतस्याव्ययात्मनः ।\nतमाराधय गोविन्दं स्थानमग्य्रं यदीच्छसि॥ २६॥"

"text": "पुलस्त्यः\nपरं ब्रह्म परं धाम योसौ ब्रह्म सनातनम् ।\nतमाराध्य हरिं याति मुक्तिमप्यतिदुर्लभाम्॥ २७॥"

"text": "ऐन्द्रमिन्द्रः परं स्थानं यमाराध्य जगत्पतिम् ।\nप्राप यज्ञपतिं विष्णुं तमाराधय सुव्रत॥ २८॥"

"text": "प्राप्नोत्याराधिते विष्णौ मनसा यद्यदिच्छति ।\nत्रैलोक्यान्तर्गतं स्थानं किमु लोकोत्तरोत्तरम्॥ २९॥"

"text": "ये स्मरन्ति सदा विष्णुं शङ्खचक्रगदाधरम् ।\nसर्वपापविनिर्मुक्ताः परं ब्रह्म विशन्ति ते॥ ३०॥"

"text": "ततोनिरुद्धं देवेशं प्रद्युम्नं च ततः परम् ।\nततः सङ्कर्षणं देवं वासुदेवं परात्परम्॥ ३१॥"

"text": "वासुदेवात् परं नास्ति इति वेदान्तनिश्चयः ।\nवासुदेवं प्रविष्टानां पुनरावर्तनं कुतः॥ ३२॥"

"text": "आत्रेयः\nयो यानिछेन्नरः कामान् नारी वा वरवर्णिनी ।\nतान्समाप्नोति विपुलान्समाराध्य जनार्दनम्॥ ३३॥"

"text": "ब्रह्मा\nबाहुभ्यां सागरं तर्तुं क इच्छेत पुमान् भुवि ।\nवासुदेवमनाराध्य को मोक्षं गन्तुमिच्छति॥ ३४॥"

"text": "कौशिकः\nअनाराधितगोवन्दा ये नरा दुःखभागिनः ।\nआराध्य वासुदेवं स्युर्नित्यानन्दैकभागिनः॥ ३५॥"

"text": "शङ्करः\nकृते पापेनुतापो वै यस्य पुंसः प्रजायते ।\nप्रायश्चित्तं तु तस्योक्तं हरिसंस्मरणं परम्॥ ३६॥"

"text": "नाम्नोस्ति यवती शक्तिः पापनिर्हरणे हरेः ।\nतावत्कर्तुं न शक्नोति पातकं पातकी जनः॥ ३७॥"

"text": "ब्रह्मा\nन ह्यपुण्यवतां लोके मूढानां कुटिलात्मनाम् ।\nभक्तिर्भवति गोविन्दे स्मरणं कीर्तनं तथा॥ ३८॥"

"text": "तदैव पुरुषो मुक्तो जन्मदुःखजरादिभिः ।\nजितेन्द्रियो विशुद्धात्मा यदैव स्मरते हरिम्॥ ३९॥"

"text": "प्राप्ते कलियुगे घोरे धर्मज्ञानविवर्जिते ।\nन कश्चित्स्मरते देवं कृष्णं कलिमलापहम्॥ ४०॥"

"text": "न कलौ देवदेवस्य जन्मदुखापहारिणः ।\nकरोति मर्त्यो मूढात्मा स्मरणं कीर्तनं हरेः॥ ४१॥"

"text": "ये स्मरन्ति सदा विष्णुं विशुद्धेनान्तरात्मना ।\nते प्रयान्ति भयं त्यक्त्वा विष्णुलोकमनामयम्॥ ४२॥"

"text": "गर्भजन्मजरारोगदुःखसंसारबन्धनैः ।\nन बाध्यते नरो नित्यं वासुदेवमनुस्मरन्॥ ४३॥"

"text": "यममार्गं महाघोरं नरकाणि यमं तथा ।\nस्वप्नेपि नैव पश्येत यः स्मरेद्गरुडध्वजम्॥ ४४॥"

"text": "हृदि रूपं मुखे नाम नैवेद्यमुदरे हरेः ।\nपादोदकं च निर्माल्यं मस्तके यस्य सोच्युतः॥ ४५॥"

"text": "गोविन्दस्मरणं पुंसां पापराशिमहाचलम् ।\nअसंशयं दहत्याशु तूलराशिमिवानलः॥ ४६॥"

"text": "अगस्त्यः\nस्मरणादेव कृष्णस्य पापसङ्घातपञ्जरः ।\nशतधा भेदमायाति गिरिर्वज्रहतो यथा॥ ४७॥"

"text": "कृष्णे रताः कृष्णमनुस्मरन्ति तद्भावितास्तद्गतमानसाश्च ।\nभिन्नेपि देहे प्रविशन्ति कृष्णं हविर्यथा मन्त्रहुतं हुताशे॥ ४८॥"

"text": "सा हानिस्तन्महच्छिद्रं सा चान्धजडमूकता ।\nयन्मूहूर्तं क्षणं वापि वासुदेवो न चिन्त्यते॥ ४९॥"

"text": "नारायणो नाम नरो नराणां प्रसिद्धचोरः कथितः पृथिव्याम् ।\nअनेकजन्मार्जितपापसञ्चयं हरत्यशेषं स्मृतमात्र एव॥५०॥"

"text": "यस्य संस्मरणादेव वासुदेवस्य चक्रिणः ।\nकोटिजन्मार्जितं पापं तत्क्षणादेव नश्यति॥ ५१॥"

"text": "किं तस्य बहुभिस्तीर्थैः किं तपोभिः किमध्वरैः ।\nयो नित्यं ध्यायते देवं नारायणमनन्यधीः॥ ५२॥"

"text": "ये मानवा विगतरागपरावरज्ञा नारायणं सुरगुरुं सततं स्मरन्ति ।\nध्यानेन तेन हतकिल्बिषचेतनास्ते मातुः पयोधररसं न पुनः पिबन्ति॥ ५३॥"

"text": "हे चित्त चिन्तयस्वेह वासुदेवमहर्निशम् ।\nनूनं यश्चिन्तितः पुंसां हन्ति संसारबन्धनम्॥ ५४॥"

"text": "आलोड्य सर्वशास्त्राणि विचार्य च पुनः पुनः ।\nइदमेकं सुनिष्पन्नं ध्येयो नारायणः सदा॥ ५५॥"

"text": "स्मृते सकलकल्याणभाजनं यत्र जायते ।\nपुरुषस्तमजं नित्यं व्रजामि शरणं हरिम्॥ ५६॥"

"text": "वेदेषु यज्ञेषु तपस्सु चैव दानेषु तीर्थेषु व्रतेषु यच्च ।\nइष्टेषु पूर्तेषु च यत्प्रदिष्टं पुण्यं स्मृते तत्खलु वासुदेवे॥ ५७॥"

"text": "आराध्यैवं नरो विष्णुं मनसा यद्यदिच्छति ।\nफलं प्राप्नोति विपुलं भूरि स्वल्पमथापि वा॥ ५८॥"

"text": "यन्नामकीर्तनं भक्त्या विलापनमनुत्तमम् ।\nमैत्रेयाशेषपापानां धातूनामिव पावकः॥ ५९॥"

"text": "कलिकल्मषमत्युग्रं नरकार्तिप्रदं नृणाम् ।\nप्रयाति विलयं सद्यः सकृत्सङ्कीर्तितेच्युते॥ ६०॥"

"text": "अनायासेन चायान्ति मुक्तिं केशवसंश्रिताः ।\nतद्विघाताय जायन्ते शक्राद्याः परिपन्थिनः॥ ६१॥"

"text": "चतुःसागरमासाद्य जम्बूद्वीपोत्तमे क्वचित् ।\nन पुमान्केशवादन्यः सर्वपापचिकित्सकः॥ ६२॥"

"text": "यदभ्यर्च्य हरिं भक्त्या कृते वर्षसहस्रकम् ।\nफलं प्राप्नोति विपुलं कलौ सङ्कीर्त्य केशवम्॥ ६३॥"

"text": "क्षीयते तु यदा धर्मः प्राप्ते घोरे कलौ युगे ।\nतदा न कीर्तयेत्कश्चिन्मुक्तिदं देवमच्युतम्॥ ६४॥"

"text": "अवशेनापि यन्नामि्न कीर्तिते सर्वपातकैः ।\nपुमान्विमुच्यते सद्यः सिंहत्रस्तमृगैरिव॥ ६५॥"

"text": "नारायणेति मन्त्रोस्ति वागस्ति वशवर्तिनी ।\nतथापि नरके घोरे पतन्तीत्येतदद्भुतम्॥ ६६॥"

"text": "आर्ता विषण्णाः शिथिलाश्च भीता घोरेषु च व्याधिषु वर्तमानाः ।\nसङ्कीर्त्य नारायणशब्दमात्रं विमुक्तदुःखाः सुखिनो भवन्ति॥ ६७॥"

"text": "कौशिकः\nअनाराधितगोविन्दा ये नरा दुःखभागिनः ।\nआराध्य वासुदेवं स्युः सदानन्दैकभोगिनः॥ ६८॥"

"text": "सकृदुच्चरितं यैस्तु कृष्णेति न विशन्ति ते ।\nगर्भागारगृहं मातुर्यमलोकं च दुस्सहम्॥ ६९॥"

"text": "क्व नाकपृष्ठगमनं पुनरावृत्तिलक्षणम् ।\nक्व जपो वासुदेवेति मुक्तिबीजमनुत्तमम्॥ ७०॥"

"text": "बुद्ध्या बुद्ध्वाभ्यसेदेतत् हरिरित्यक्षरद्वयम् ।\nस्मरणात्कीर्तनाद्यस्य न पुनर्जायते भुवि॥ ७१॥"

"text": "हे जिह्वे मम निस्नेहे हरिं किं नानुभाषसे ।\nहरिं वदस्व कल्याणि संसारोदधिनौर्हरिः॥ ७२॥"

"text": "असारे खलु संसारे सारात्सारतरो हरिः ।\nपुण्यहीना न विन्दन्ति सारङ्गाश्च यथा जलम्॥ ७३॥"

"text": "कुरुक्षेत्रेण किं तस्य किं काश्या पुष्करेण किम् ।\nजिह्वाग्रे वर्तते यस्य हरिरित्यक्षरद्वयम्॥ ७४॥"

"text": "ब्रह्मा\nअसारे खलु संसारे सारमेकं निरूपितम् ।\nसमस्तलोकनाथस्य सारमाराधनं हरेः॥ ७५॥"

"text": "सा जिह्वा या हरिं स्तौति तच्चित्तं यत्तदर्पणम् ।\nतावेव केवलौ श्लाघ्यौ यौ तत्पूजाकरौ करौ॥ ७६॥"

"text": "यस्तु विष्णुपरो नित्यं दृढभक्तिर्जितेन्द्रियः ।\nस्वगृहेपि वसन् याति तद्विष्णोः परमं पदम्॥ ७७॥"

"text": "शङ्करः साधु साधु महाभाग साधु दानवनाशन ।\nयन्मां पृच्छसि धर्मज्ञ केशवाराधनं प्रति॥ ७८॥"

"text": "निमिषं निमिषार्धं वा मुहूर्तमपि भार्गव ।\nनादग्धाशेषपापानां भक्तिर्भवति केशवे॥ ७९॥"

"text": "किं तेन मनसा कार्यं यन्न तिष्ठति केशवे ।\nमनो मुक्तिफलावाप्तौ कारणं सुप्रयोजितम्॥ ८०॥"

"text": "रोगो नाम न सा जिह्वा यया न स्तूयते हरिः ।\nगर्तौ नाम न तौ कर्णौ याभ्यां तत्कर्म न श्रुतम्॥"

"text": "नूनं तत्कण्ठशालूकमथवाप्युपजिह्विका ।\nरोगो नाम न सा जिह्वा या न वक्ति हरेर्गुणान्॥ ८२॥"

"text": "भारभूतैः करैः कार्यं किं तस्य नृपशोर्द्विजाः ।\nयैर्हि न क्रियते विष्णोर्गृहसंमार्जनादिकम्॥ ८३॥"

"text": "चरणौ तौ तु सफलौ केशवालयगामिनौ ।\nते च नेत्रे महाभागे याभ्यां सन्दृश्यते हरिः॥ ८४॥"

"text": "किं तस्य चरणैः कार्यं वृथासञ्चरणैर्द्विजाः ।\nयैर्हि न व्रजते जन्तुः केशवालयदर्शने॥ ८५॥"

"text": "वेदवेदान्तविदुषां मुनीनां भावितात्मनाम् ।\nऋषित्वमपि धर्मज्ञ विज्ञेयं तत्प्रसादजम्॥ ८६॥"

"text": "विचित्ररत्नपर्यङ्के महाभोगे च भोगिनः ।\nरमन्ते नाकिरामाभिः केशवस्मरणात् फलम्॥ ८७॥"

"text": "अश्वमेधसहस्राणां यः सहस्रं समाचरेत् ।\nनासौ तत्फलमाप्नोति तद्भक्तैर्यदवाप्यते॥ ८८॥"

"text": "रे रे मनुष्याः पुरुषोत्तमस्य करौ न कस्मान्मुकुलीकुरुध्वम् ।\nक्रियाजुषां को भवतां प्रयासः फलं हि यत्तत्पदमच्युतस्य॥ ८९॥"

"text": "विष्णोर्विमानं यः कुर्यात्सकृद्भक्त्या प्रदक्षिणम् ।\nअश्वमेधसहस्रस्य फलं प्राप्नोति मानवः॥ ९०॥"

"text": "प्रदक्षिणं तु यः कुर्याद्धरिं भक्तिसमन्वितः ।\nहंसयुक्तविमानेन विष्णुलोकं स गच्छति॥ ९१॥"

"text": "तीर्थकोटिसहस्राणि व्रतकोटिशतानि च ।\nनारायणप्रणामस्य कलां नार्हन्ति षोडशीम्॥ ९२॥"

"text": "उरसा शिरसा दृष्ट्या मनसा वचसा तथा ।\nपद्भ्यां कराभ्यां जानुभ्यां प्रणामोष्टाङ्ग ईरितः॥ ९३॥"

"text": "शाठ्येनापि नमस्कारं कुर्वतः शांर्गपाणये ।\nशतजन्मार्जितं पापं नश्यत्येव न संशयः॥ ९४॥"

"text": "संसारार्णवमग्नानां नराणां पापकर्मणाम् ।\nनान्योद्धर्ता जगन्नाथं मुक्त्वा नारायणं प्रभुम्॥ ९५॥"

"text": "रेणुकुण्ठितगात्रस्य कणा यावन्ति भारत ।\nतावद्वर्षसहस्राणि विष्णुलोके महीयते॥ ९६॥"

"text": "पावनं विष्णुनैवेद्यं सुभोज्यमृषिभिः स्मृतम् ।\nअन्यदेवस्य नैवेद्यं भुक्त्वा चान्द्रायणं चरेत्॥ ९७॥"

"text": "कोट्यैन्दवसहस्रैस्तु मासोपोषणकोटिभिः ।\nतत्फलं लभ्यते पुम्भिर्विष्णोर्नैवेद्यभक्षणात्॥ ९८॥"

"text": "त्रिरात्रफलदा नद्यो याः काश्चिदसमुद्रगाः ।\nसमुद्रगास्तु पक्षस्य मासस्य सरितां पतिः॥ ९९॥"

"text": "षण्मासफलदा गोदा वत्सरस्य तु जाह्नवी ।\nविष्णुपादोदकस्यैताः कलां नार्हन्ति षोडशीम्॥ १००॥"

"text": "गङ्गाप्रयागगयपुष्करनैमिषाणि संसेवितानि बहुशः कुरुजाङ्गलानि ।\nकालेन तीर्थसलिलानि पुनन्ति पापं पादोदकं भगवतः प्रपुनाति सद्यः॥ १०१॥"

"text": "यानि कानि च तीर्थानि ब्रह्माण्डान्तर्गतानि च ।\nविष्णुपादोदकस्यैताः कलां नार्हन्ति षोडशीम्॥ १०२॥"

"text": "स्नात्वा पादोदकं विष्णोः पिबन् शिरसि धारयेत् ।\nसर्वपापविनिर्मुक्तो वैष्णवीं सिदि्धमाप्नुयात्॥ १०३॥"

"text": "यथा पादोदकं पुण्यं निर्माल्यं चानुलेपनम् ।\nनैवेद्यं धूपशेषश्च आरार्तिश्च तथा हरेः॥ १०४॥"

"text": "तुलस्यास्तु रजोजुष्टनैवेद्यस्य च भक्षणम् ।\nनिर्माल्यं शिरसा धार्यं महपातकनाशनम्॥ १०५॥"

"text": "भक्त्या वा यदि वाभक्त्या चक्राङ्कितशिलां प्रति ।\nदर्शनं स्पर्शनं वापि सर्वपापप्रणाशनम्॥ १०६॥"

"text": "शालग्रामोद्भवो देवो देवो द्वारवतीभवः ।\nउभयोः स्नानतोयेन ब्रह्महत्यां व्यपोहति॥ १०७॥"

"text": "शालग्रामशिला यत्र तत्र सन्निहितो हरिः ।\nतत्र स्नानं च दानं च वाराणस्याः शताधिकम्॥ १०७॥"

"text": "म्लेच्छदेशेशुचौ वापि चक्राङ्को यत्र तिष्ठति ।\nयोजनानि तथा त्रीणि मम क्षेत्रं वसुन्धरे॥ १०९॥"

"text": "शालग्रामोद्भवो देवो शैलं चक्राङ्कमण्डलम् ।\nयत्रापि नीयते तत्र वाराणस्याः शताधिकम्॥ ११०॥"

"text": "शालग्रामोद्भवो देवो देवो द्वारवतीभवः ।\nउभयोः सङ्गमो यत्र मुक्तिस्तत्र न संशयः॥ १११॥"

"text": "हरिणा मुक्तिदानीह मुक्तिस्थानानि सर्वशः ।\nस यस्य सर्वभावेषु तस्य तैः किं प्रयोजनम्॥ ११२॥"

"text": "हरिर्याति हरिर्याति दस्युव्याजेन यो वदेत् ।\nसोपि सद्गतिमाप्नोति गतिं सुकृतिनो यथा॥ ११३॥"

"text": "वासुदेवं परित्यज्य योन्यं देवमुपासते ।\nत्यक्त्वामृतं स मूढात्मा भुङ्क्ते हालाहलं विषम्॥ ११४॥"

"text": "त्यक्त्वामृतं यथा कश्चिदन्यपानं पिबेन्नरः ।\nतथा हरिं परित्यज्य योन्यं दैवमुपासते॥ ११५॥"

"text": "स्वधर्मं तु परित्यज्य परधर्मं चरेद्यथा ।\nतथा हिरं परित्यज्य योन्यं दैवमुपासते॥ ११६॥"

"text": "गां च त्यक्त्वा स मूढात्मा गार्दभीं वन्दते यथा ।\nतथा हरिं परित्यज्य चान्यं दैवमुपासते॥ ११७॥"

"text": "वासुदेवं परित्यज्य योन्यं दैवमुपासते ।\nतृषितो जाह्नवीतीरे कूपं खनति दुर्मतिः॥ ११८॥"

"text": "यथा गङ्गोदकं त्यक्त्वा पिबेत् कूपोदकं नरः ।\nतथा हरिं परित्यज्य योन्यं दैवमुपासते॥ ११९॥"

"text": "स्वमातरं परित्यज्य श्वपाकीं वन्दते यथा ।\nतथा हरिं परित्यज्य योन्यं दैवमुपासते॥ १२०॥"

"text": "यावत्स्वस्थमिदं पिण्डं नीरुजं करणान्वितम् ।\nतावत्कुरुष्वात्महितं पश्चात्तापेन तप्यसे॥ १२१॥"

"text": "यावत्स्वास्त्थ्यं शरीरेषु करणेषु च पाटवम् ।\nतावदर्चय गोविन्दमायुष्यं सार्थकं कुरु॥ १२२॥"