JSON:Yamakabharatam: Difference between revisions

"schema": 1,

"text": "ध्यायेत् तं(ध्यायेत्) परमानन्दं यन्माता पतिमयदपरमानन्दम् ।\nउज्झितपरमानं दम्पत्याद्याद्याश्रमैः सदैव परमानन्दम् ॥१॥"

"text": "यस्य करालोलं चक्रं कालः परः स हि कराऽलोऽम् ।\nयस्य गदा पवमानः सन्(गदा तु वायुर्बलसंविदात्मा) यो व्यासोऽभवत् सदापवमानः ॥२॥"

"text": "यस्य रमा न मनोगं जगृहे विश्वम्भराऽपि न मनोऽगम् ।\nयस्य पुमानानन्दं भुङ्क्ते यद् धाम कपतिमानानन्दम् ॥३॥"

"text": "परमेषु यदा तेजः परमेषु चकार वासुदेवोऽजः ।\nमानधि बिभ्रत्सु मनो माऽनधिमाऽऽसीन्न वासुदेवो जः ॥४॥"

"text": "सोऽजनि देवक्यन्ते यस्मादनुकम्पनावदेव क्यन्ते ।\nअवदन् देव क्यं ते भुवनं हि सुराः सदैवदेऽव क्यन्ते ॥५॥"

"text": "नीतो वसुदेवेन स्वततेन स गोकुलं सुवसुदेवे न(सवसुदेवेन) ।\nतत्र यशोदा तनयं मेने कृष्णं स्वकीयमवदातनयम् ॥६॥"

"text": "ववृधे गोकुसमध्याद्यो(यो) देवो विश्वमद्भुताकुलमध्यात् ।\nतत्र च पूतनिकाया वधमकरोत् यन्निजाः सुपूतनिकायाः(पूतनिकायाः) ॥७॥"

"text": "अधुनोच्छकटं लोली पादाङ्गुष्ठेन वातपेशशकटं लोली ।\nअतनोद् रक्षामस्य स्वाज्ञानाद् गोपिका सदेरक्षामस्य ॥८॥"

"text": "मुखलालनलोला तन्मुखगं जगदचष्ट सालनलोलातत् ।\nनाध्यैन्मायामस्य जगत्प्रभोः स्वधिकतततमायामस्य(स्वाधिकतततमायामस्य) ॥९॥"

"text": "तस्य सुशर्माण्यकरो दरिणो गर्गः सदुक्तिकर्माण्यकरोत् ।\nअवदन्नामानमयं जगदादि वासुदेवनामानमयम् ॥१०॥"

"text": "तस्य सखा बलनामा ज्येष्ठो भ्राताऽथ यन्निजाबलना मा ।\nयस्य च पर्यङ्कोऽयं पूर्वतनो विष्णुमजसपर्यं कोऽयम् ॥११॥"

"text": "तेन हतो वातरयस्तृणचक्रो नाम दितिसुतोऽवातरयः ।\nहरमाणो (बा)वालतमं स्वात्मानं कण्ठरोधिनाऽवालतमम् ॥१२॥"

"text": "सोऽवनिमध्ये रङ्गन् अरिदरयुग् बालरूपमध्येरं गन् ।\nअमुषन्नवनीतमदः (स्व)सगोकुले गोपिकासु नवनीतमदः ॥१३॥"

"text": "तन्माता कोपमिता तमनुससारात्मवादवाकोपमिता(त्मवाकोपमिता) ।\nजगृहे सा नमनं तं देवं (तं चिन्तयैव)तच्चिन्तयैव सानमनन्तम् ॥१४॥"

"text": "अथ साऽन्तरिताऽमानं विष्णुं विश्वोद्भवं (तदाऽ)सदान्तरितामानम् ।\nअनयद् दामोदरतां योऽरमयत् सुन्दरीं निजामोदरताम् ॥१५॥"

"text": "चक्रे सोऽर्जुननाशं प्राप्नोति च (त)यत्स्मृतिः सदाऽर्जुनना शम् ।\nतौ च गतौ निजमोकस्तेनैव नुतेन यन्निजो निजमोकः(यन्निजानिजमोकः) ॥१६॥"

"text": "अथ वृन्दावनवासं गोपाश्चक्रुर्जगत्क्षिताऽवनवासम् ।\nतत्र बकासुरमारः शौरिरभून्नित्यसंश्रितासुरमारः ॥१७॥"

"text": "अहनद् वत्सतनूकं(वत्सतनुकं) योऽपाल्लोकं स्वयत्नवत्सतनूकम्(वत्सतनुकं) ।\nसोपाद् वत्सानमरः सहाग्रजो गोपवत्सवत्सानमरः(गोपवत् सुवत्सानमरः) ॥१८॥"

"text": "सः विभुः श्रीमानहिके ननर्त यस्य श्रमानमा मा न हि के ।\nअकरोन्नद्युदकान्तं कान्तं नीत्वोरगं स नाद्युदकान्तम् ॥१९॥"

"text": "हत्वा धेनुकमूढं बलात् प्रलम्बं च खेट् सधेनुकमूढम् ।\nव्रजमावीदमृताशः पीत्वा वह्निं चरस्थिरादमृताशः(चरस्थितादमृताशः) ॥२०॥"

"text": "गिरिणा रक्षाऽपि कृता व्रजस्य तेन स्वरक्षरक्षापिकृता ।\nशक्राय व्यञ्जयता स्वां शक्तिं विश्वमात्मनाऽव्यं जयता ॥२१॥"

"text": "रेमे गोपीष्वरिहा स मन्मथाक्रान्तसुन्दरीपीष्वरिहा।\nपूर्णानन्दैकतनुः स विश्वरुक्पावनोऽप्यनन्दैकतनुः (प्यानन्दैकतनुः)॥२२॥"

"text": "अथ हतयोर्गलिकेशयोः श्वफल्कजप्रापितः पुरीं गलिकेश्योः ।\nभङ्‍क्त्वा धनुराजवरं जघान तेनैव च स्वयं राजवरम् ॥२३॥"

"text": "मृत्नन्(मृद्गन्) गजमुग्रबलं सबऽलो रङ्गं विवेश सृतिमुग्रबऽम् ।\nहत्वा मल्लौ बलिनौ कंसं च विमोक्षितौ(विमोक्षिता) ततौ लौ बलिनौ(रौ बलिनौ) ॥२४॥"

"text": "प्रादात् सान्दीपनये मृतपुत्रं ज्ञानदीपसन्दीपनये(सान्दीपनये) ।\nगुर्वर्थेऽज्ञानतमःप्रभेदिता नित्यसम्भृताज्ञानतमः ॥२५॥"

"text": "जित्वा मागधराजं तोषितमकरोत् सदात्मयोगधराजम् ।\nअनु कुर्वन् निजसदनं चक्रे रम्यां पुरीं(रम्यं पुरं) सुबोधनिजसदनम् ॥२६॥"

"text": "प्रसभं सगजबलस्य क्षत्रस्योच्चैः समगधराजबलस्य ।\nमानं शिशुपालवरं हत्वा भैष्मीमवाप शिशुपालवरम् ॥२७॥"

"text": "हंसो (डिभि)डिभकश्चपलावमुना संसूदितौ यवनकश्च पला ।\nकीर्तिर्विमला विरता प्रतता विश्वाधिपावनीलाविरता ॥२८॥"

"text": "सत्याजाम्बवतीर्या भार्या विन्दाद्या भानुसाम्बवतीर्याः ।\nप्रद्युम्नं (स्वमोदरतः)मोदरतः प्राप ज्येष्ठं हरिः सुतं मोदरतः ॥२९॥"

"text": "यत्परिवारतयेशा जाता देवा नृपात्मजा रतयेशाः ।\nयद्भरितं विषसर्पप्रभृति ध्वान्तं न मारुतिं विषसर्प ॥३०॥"

"text": "येन हिडिम्बबकाद्या रक्षोधीशा निपातिता बबकाद्याः ।\nभीमे प्रीतिममेयां व्यञ्जयता तेनैव(तेन) शेषपाति ममे याम् ॥३१॥"

"text": "अथ कृष्णावरणे तान् प्राप्तान् राज्ञोऽशृणोत् सदावरणेतान् ।\nद्रष्टुं यातः सबलस्तां चानैषीत् पृथासुतांस्ततः सबलः ॥३२॥"

"text": "तानिन्द्रस्थलवासांश्चक्रे कृष्णः परो(पुरो) निजस्थलवासान् ।\nस्वबलोद्रेचितमानैर्जुगोप धर्मं च तैः पराचितमानैः(पराञ्चितमानैः) ॥३३॥"

"text": "वालिवधानुनयाय प्रणयी सख्यं सुसन्दधे नु नयाय ।\nवासवजेन विशेषात् तेनैव पुनर्नृजन्मजेन विशेषात् ॥३४॥"

"text": "मातुः परिभवहान्यै राज्ञा द्युसदामितश्च परिभवहाऽन्यैः(न्यै) ।\nअभवन्नरकमुरारिर्योऽवासीदत्(योऽवात्सीदत्) समस्तनरकमुरारिः ॥३५॥"

"text": "नीतो दिवि देववरै रेमे सत्यासमन्वितोऽदेववरैः ।\nसर्वर्तुवने शशिना निशि सत्यां वासरे वनेऽशशिना ॥३६॥"

"text": "सुरतरुमापाऽलिमतात् प्रकाशयञ्छक्तिमात्मनः पाळिमतात् ।\nसुरवरवीरेषु दरी प्रधानजीवेश्वरः परेषुदरी ॥३७॥"

"text": "पुरमभियायारिदरी दत्वा भद्रां पृथासुतायारिदरी ।\nशक्रपुरीमभियातः प्रादाद् वह्नेर्वनं सतामभियातः ॥३९॥"

"text": "शिवभक्तप्रवराद्यं पुमान् न सेहे गिरीशविप्रवराद्यम्(गिरिशविप्रवराद्यम्) ।\nतं स्वात्मेन्द्रवरेण व्यधुनोद् भीमेन धूतरुद्रवरेण ॥३९॥"

"text": "यस्याज्ञाबलसारैः पार्थैर्दिग्भ्यो हृतं धनं बलसारैः ।\nजित्वा क्ष्मामविशेषां प्रसह्य भूपान् समस्तकामविशेषाम् ॥४०॥"

"text": "अथ पार्थान् क्रतुराजं प्रापयदमरेट् सरुद्रशक्रतुराजम् ।\nपूजा तेनावापि च्छिन्नश्चैद्यः सृतिं गते नावाऽपि ॥४१॥"

"text": "निहतौ सौभकरूशौ शीतो भातश्च येन तौ भकरूशौ(भाकरूशौ) ।\nअजयद् रुद्रं च रणे बाणार्थेऽवनतिपतितकचन्द्रं चरणे ॥४२॥"

"text": "असृजज्ज्वरमुग्रतमःक्षयप्रदो लीलयाऽधिवरमुग्रतमः ।\nक्रीडामात्रं विश्वं प्रकाशयन्नात्मनः स विहरकमात्रं विश्वम् ॥४३॥"

"text": "यस्यावेशोरुबलान्न्यहनत् पार्थोऽसुरान् प्रजेशोरुबलान्(त्) ।\nवरदानादस्यैव जगत्प्रभोरीरणात् समनुगतनादस्यैव ॥४४॥"

"text": "यस्यावेशात् स बलः प्रचकर्ष पुरं प्रसह्य वेशात् सबलः ।\nकुरुपतिनाम नु यमुना कृष्टा(कृष्णा) येनाहुरर्ह्यमतनु(येनाहुरर्घ्यमतनु) यमुना ॥४५॥"

"text": "यद्बलवान् क्रोधवशान्निनाय नाशं वृकोदरः क्रोधवशान् ।\nलेभे चान्यागम्यं स्थानं पुष्पाणि धाम चान्यागम्यम् ॥४६॥"

"text": "यद्बलभारवहत्वान्नाचलदुरगादिभिः सुभारवहत्वात्(त्वम्) ।\nधर्मादरिहाऽपि पदं भीमो येनैव साहसं (लिहाऽऽपि)रिहाऽऽपि पदम् ॥४७॥"

"text": "न हि नहुषोऽलं नहितुं धर्मो द्रौणिस्तथेतरो(रे)ऽलं नहितुम् ।\nनो राट् कर्णो(र्णौ) ब्रह्मवरी येन ध्वस्तोस्त्रमग्रहीत् सुब्रह्म वरी(सब्रह्मवरी) ॥४८॥"

"text": "क्षात्रं धर्मं स्ववता गुरुवृत्त्यै केशवाज्ञया च मं (मे/मलं) स्ववता ।\nसर्वं सेहे मनसा भीमेनेशैकमानिना हेमनसा ॥४९॥"

"text": "यद्भक्तप्रवरेण प्रोतः स्वस्मिन् स कीचकः प्रवरेण ।\nपतितास्तस्य सहायाः कृष्णार्थे मानिनः समस्य सहायाः ॥५०॥"

"text": "यद्भक्त्याऽनुगृहीतौ पार्थो भीमश्च गोनृपौ नु गृहीतौ(निगृहीतौ)।\nऋणमुक्त्यै सुव्यत्यस्त्यै क्रमशो वीरावमुञ्चतां सुव्यत्यस्त्यै ॥५१॥"

"text": "यद्भक्त्याऽमितयाऽलं कृष्णा कार्ये विवेश कृष्णाकार्ये ।\nयामीरार्द्धतनुत्वान्नापाद् भीमादृतेऽपि नापाद् भीमात् ॥५२॥"

"text": "यां स्प्रष्टुमिच्छन्तमजातशत्रुं न्यवारयत् स्वस्थमजातशत्रुम् ।\nशंरूपाने नित्यरतेरियं श्रीरिति स्म देवेड्यदितेरियं श्रीः ॥५३॥"

"text": "मनसामनसाऽमनसा मनसा यमनन्तमजस्रमवेदनुया ।\nविलयं विलयं विलयं विलयन्निखिऽलं त्वशुभं प्रचकार च यः(या) ॥५४॥"

"text": "सोऽगाद् दूतमुखेन प्रभुणेदं वर्तते यदूतमुखेन ।\nपार्थार्थे बहुतनुतां यत्र प्रकाशयन्(त्) स्वयं सबहुतनुताम् ॥५५॥"

"text": "गुरुकर्णनदीजानवधीच्चक्षुर्बलेन जनदीजादी ।\nशक्त्या निजया परवान् स्वजनानुद्रेचयन्ननन्तयाऽपरवान् ॥५६॥"

"text": "यस्य सुनीतिसहायान्न(सुनीतसहायान्न) रिपून् मेनेऽर्जुनः समेतसहा यान् ।\nअकरोच्चासु परासुप्रततिं सेनासु धावनासुपरासु ॥५७॥"

"text": "येन जयद्रथमारः पार्थः(पात्रा) शत्रूनवापतद्रथमारः ।\nयद्विरहादपि देहे स रथः शश्वत् स्थितेः सदादपि देहे ॥५८॥"

"text": "यद्भरितो भरताभः प्रभुरम्भाभावितोऽभिभरताभः ।\nभीमो रभसाऽभिभवी प्रसभं भा भाभिभूर्भसा(भासा) भिभवी ॥५९॥"

"text": "यदनुग्रहिपूर्णत्वाद्(यदनुग्रहपूर्णत्वाद्) भीमः सर्वानरीननहिपूर्णत्वात् ।\nअदहत् बाहुबलेन क्रोधाग्नावाहितान् निजाहुबलेन ॥६० ॥"

"text": "कृष्णाभीमाप्ततमः शीर्णं येन स्वकीयहृदयमाप्ततमः ।\nधृतराष्ट्रसुतानवधीत् भीमेन स्थापितो मनसि सुसुतानवधीत् ॥६१॥"

"text": "भीमविपाटितदेहानदर्शयत्(विपातित/निपातित) स्वानरीन् विपाटितदेहान् ।\nकृष्णाया हितकारी सम्यगीरप्रियः सदाऽहितकारी ॥६२॥"

"text": "अथ हरिणा पीतबलं द्रौणेरस्त्रं महारिणाऽपीतबलम् ।\nदधता वासोमरणं नीतं चक्रेऽभिमन्युजं सोमरणम् ॥६३॥"

"text": "तस्य च रक्षा सुकृता जनार्दनेनेशशेषकेक्षासुकृता ।\nपार्थेषु प्रेमवता नित्यं भर्त्रासुतासुविप्रेमवता ॥६४॥"

"text": "ज्ञानं परमं प्रादाद् भीष्मगतः सृतिविमोक्षचरमं प्रादात् ।\nपाण्डुसुतानामधिकं चक्रे वेदं गुणोत्तरं स्वनामधिकम् ॥६५॥"

"text": "तेनावापि सुजातैर्हरिमेधस्तुरगवर्तनेऽपि(तुरगावर्तनेऽपि) सुजातैः ।\nपाण्डुसुतैः (सवसूकैराप्तैर्व्यासात्मना)सवसूकैः प्राप्तैर्व्यासात्मना च सुसवसूकैः ॥६६॥"

"text": "तदनु स (सु)पाण्डुतनूजै रेमे क्ष्मां पालयन् सुपाण्डुतनूजैः ।\nअनुपमसुखरूपोऽजः परमः श्रीवल्लभः सति खरूपो जः(सुखरूपो जः/सति सुखरूपोजः) ॥६७॥"

"text": "सुगतिं (पर)चरमामददान्निजयोग्यां ज्ञानिसुततिं(ति) परमामददात् ।\nपार्थानां सयदूनां स (परम)पितृप्रेष्यादिनामिनां सयदूनाम् ॥६८॥"

"text": "रेमे तत्रापिसुखी परमोऽनन्तो ननन्द तत्रापि सुखी ।\nप्राणेनेन्दिरया च प्रयुतो नित्यं महागुणेन्दिरया च ॥६९॥"

"text": "एवं सर्वाणि हरे रूपाणि श्रीपतेः सुपर्वाणिहरेः ।\nपूर्णसुखानि सुभान्ति प्रततानि निरन्तराणि (नि)सुभान्ति ॥७०॥"

"text": "राम राम महाबाहो माया ते सुदुरासदा ।\nवाद सादद को लोके पादावेव तवासजेत् ॥७१॥"

"text": "जेत् सवातव वेदापाऽके लोकोदद सादवा ।\nदासरादुसुतेयामाहोवाहा मम राम रा(राः) ॥७२॥"

"text": "देवानां पतयो नित्यं मतं यस्य न जानते(नो मतं यस्य जानते) ।\nतस्मै देव नमस्तेऽहं भवतेऽसुरमारये ॥७३॥"

"text": "समस्तदेवजनकवासुदेवपरामृत ।\nवासुदेव परामृत ज्ञानमूर्ते नमोऽस्तु ते ॥७४॥"

"text": "देवादे देवऽलोकप पूर्णानन्दमहोदधे ।\nसर्वज्ञेश रमानाथ देवाऽदेऽदेऽव लोकप ॥७५॥"

"text": "यो निर्ममेऽशेषपुराणविद्यां यो निर्ममेशे षपुराणविद्याम् ।\nयोनिर्ममेशेषपुराणविद्यां योऽनिर्ममेशेषपुराणविद्याम् ॥७६॥"

"text": "अनन्तपारामितविक्रमेश प्रभो रमापारमनन्तपार ।\nमहागुणाढ्यापरिमेयसत्त्व रमालयाशेषमहागुणाढ्य ॥७७॥"

"text": "भा भा भा भा भा भा भा भा भा भा भा भा भा भा ।\nभा भा भा भा भा भा भा भा भा भा भा भा भा भा ॥७८॥"

"text": "नैव परः केशवतः परमादरस्मात् समश्च सुकेशवतः(सुखकेशवतः)।\nसोऽयं शपथवरो नः शश्वत् सन्धारितः सुशपथवरोऽनः ॥७९॥"

"text": "कृष्णकथेयं यमिता (सुश)सुखतीर्थेनोदिताऽनने यं यमिता ।\nभक्तिमता परमेशे सर्वोद्रेका सदानुताऽप रमेशे ॥८०॥"

"text": "इति (नारायणनामाव कतीर्थं)नारायणनामा सुखतीर्थपूजितः सुरायणना मा ।\nपूर्ण गुणैर्धिक(गुणैरधिक) पूर्णज्ञानेच्छाभक्तिभिः(पूर्णज्ञानेच्छाशक्तिभिः) स्वधिकपूर्ण(र्णः) ॥८१॥"