JSON:Yatipranavavakalpa: Difference between revisions

"schema": 2,

"text": "समिच्चर्वाज्यकान्हुत्वा सम्यक्पुरुषसूक्ततः ।\nसर्वेषामभयं दत्वा विरक्तः प्रव्रजेद्धरिम्॥ १॥"

"text": "श्रुत्वा भागवतं शुद्धमाचार्यं शरणं व्रजेत् ।\nअधीहि भगवो ब्रह्मेत्यस्मै ब्रूयाद्गुरुः परम्॥ २॥"

"text": "उच्चारयेत्त्रिशस्तारं दक्षिणे श्रवणे तथा ।\nऋषिच्छन्दोदैवतानि ब्रूयात्तस्य क्रमात्सुधीः॥ ३॥"

"text": "अन्तर्यामीति गायत्री परमात्मेत्यनुक्रमात् ।\nविश्वश्च तैजसः प्राज्ञस्तुर्यश्चाक्षरदेवताः॥ ४॥"

"text": "कृष्णो रामो नृसिंहश्च वराहो विष्णुरेव च ।\nपरञ्ज्योतिः परम्ब्रह्म वासुदेव इति क्रमात्॥ ५॥"

"text": "अकारादेस्तथा शान्तातिशान्तान्तस्य देवताः ।\nएवमुक्त्वा तु तद्ध्यानं ब्रूयाच्छिष्याय सद्गुरुः॥ ६॥"

"text": "अष्टपत्रे तु हृत्पद्मे मध्ये सूर्येन्दुवह्निगम् ।\nपीठं तत्पद्ममध्यस्थं नारायणमनामयम्॥ ७॥"

"text": "उद्यदादित्यसङ्काशं तेजसानुपमं सदा ।\nसहस्रेणापि सूर्याणां सञ्ज्ञानानन्दरूपिणम्॥ ८॥"

"text": "अतिरक्ततलं भास्वन्नखव्रातविभूषितम् वृत्तजङ्घं वृत्तजानुं हस्तिहस्तोरुमीश्वरम्॥ ९॥"

"text": "महाकटितटाबद्धकाञ्चीपीताम्बरोज्ज्वलम् ।\nसुनिम्ननाभिं त्रिवलिं सुवृत्तोदरबन्धनम्॥ १०॥"

"text": "विशालवक्षसं भ्राजत्कौस्तुभामुक्तकन्धरम् ।\nवनमालाधरं हारवैजयन्त्यादिभिर्युतम्॥ ११॥"

"text": "पृथुदीर्घचतुर्बाहुं शङ्खचक्रगदाम्बुजैः ।\nयुक्तमुन्निद्रपद्माक्षं स्फुरन्मकरकुण्डलम्॥ १२॥"

"text": "पूर्णचन्द्रायुतोद्रिक्तकान्तिमन्मुखपङ्कजम् ।\nसुभ्रुवं सुललाटान्तं किरीटाबद्धमूर्धजम्॥ १३॥"

"text": "निःशेषदुःखदमनं नित्यानन्दशुचिस्मितम् ।\nविश्वादींश्चैव कृष्णादीनेवं भूतान्सनातनान्॥ १४॥"

"text": "अभिन्नानेव सततं तस्माद्विष्णोः परात्मनः ।\nवराभयोद्यतकरान्नित्यानन्दैकरूपिणः॥ १५॥"

"text": "एवमुक्त्वा गुरुर्ध्यानं शपथं कारयेत्ततः ।\nन विष्णुं वैष्णवांश्चैव विसृजेयमिति त्रिशः॥ १६॥"

"text": "न चान्यदेवतासाम्यं तदैक्यमथवा हरेः ।\nचिन्तयेयं मृतो वापि न चाप्येकत्ववादिभिः॥ १७॥"

"text": "समत्ववादिभिर्वाहं सङ्गच्छेयं कदाचन ।\nतन्निन्दकैश्च तद्भक्तनिन्दकैर्वा महामुने॥ १८॥"

"text": "एवं कृते तु शपथे मस्तके हस्तपङ्कजम् ।\nनिधायोत्तीर्य संसारात्सुखी भव हरेः प्रियः॥ १९॥"

"text": "सर्वदुःखादिभिर्मुक्तो नित्यानन्दैकरूपकः ।\nसम्प्राप्य विष्णुसामीप्यं तत्रापि हरिभक्तिमान्॥ २०॥"

"text": "भक्तिमांश्चान्यदेवेषु तारतम्यं च संस्मरन् ।\nसर्वोत्कर्षं स्मरन्विष्णोर्भूयाश्चैव सदा सुखी॥ २१॥"

"text": "न मुक्तौ विष्णुनैक्यं वा मुक्तानां साम्यमेव वा ।\nस्मरेथा इति चोक्त्वाथ समयाननुशिक्षयेत्॥ २२॥"

"text": "नित्यशश्च हरेः पूजा जपध्यानसमर्पणम् ।\nकर्तव्यं तु त्वया वत्स जपश्च त्रिसहस्रकः॥ २३॥"

"text": "मध्यमः प्रणवस्योक्तो योवरः स सहस्रकः ।\nत्रिसहस्रात्परो यस्तु स उत्तमजपः ---स्मृतः॥ २४॥"

"text": "आत्मानं प्रतिबिम्बत्वे ध्यायन् बिम्बं जनार्दनम् ।\nध्यायस्व सततं वत्स सपर्यां नित्यशः कुरु॥ २५॥"

"text": "मानसैर्वाथ पुष्पैर्वा प्रणवेन समाहितः ।\nअन्यांश्च वैष्णवान्मन्त्राञ्जपेथा भक्तिपूर्वकम्॥ २६॥"

"text": "शृृणुष्व वैष्णवं शास्त्रं सदा वेदार्थतत्परः ।\nवेदान्मन्त्रानुपनिषत्सहितान्सर्वदा शृृणु॥ २७॥"

"text": "इतिहासपुराणं च पञ्चरात्रं तथैव च ।\nतदर्थान् ब्रह्मसूत्रैश्च सम्यङ्निर्णीय तत्त्वतः ।\nविष्णोः सर्वोत्तमत्त्वं च सर्वदा प्रतिपादय॥ २८॥"