Sadacharasmriti: Difference between revisions

<div class="gr-doc-title" data-has-moola="1">सदाचारस्मृतिः</div>

| verse_line1 = यस्मिन् सर्वाणि कर्माणि संन्यस्याध्यात्मचेतसा ।

| verse_line2 = निराशीर्निर्ममो याति परं जयति सोऽच्युतः॥ १॥

| verse_line1 = स्मृत्वा विष्णुं समुत्थाय कृतशौचो यथाविधि ।

| verse_line2 = धौतदन्तः समाचम्य स्नानं कुर्याद् विधानतः॥ २॥

| verse_line1 = उद्धृतेति मृदाऽऽलिप्य द्विषडष्टषडक्षरैः ।

| verse_line2 = त्रिर्निमज्याप्यसूक्तेन प्रोक्षयित्वा पुनस्ततः ।

| verse_line3 = मृदाऽऽलिप्य निमज्य त्रिस्त्रिर्जपेदघमर्षणम्॥ ३॥

| verse_line1 = स्रष्टारं सर्वलोकानां स्मृत्वा नारायणं परम् ।

| verse_line2 = यतश्वासो निमज्याप्सु प्रणवेनोत्थितस्ततः ।

| verse_line3 = सिञ्चन् पुरुषसूक्तेन स्वदेहस्थं हरिं स्मरन्॥ ४॥

| verse_line1 = वसित्वा वास आचभ्य प्रोक्ष्याचम्य च मन्त्रतः ।

| verse_line2 = गायत्र्या चाञ्जलिं दत्वा ध्यात्वा सूर्यगतं हरिम्॥ ५॥

| verse_line1 = मन्त्रतः परिवृत्याथ समाचम्य सुरादिकान् ।

| verse_line2 = तर्पयित्वा निपीड्याथ वासो विस्तृत्य चाञ्जसा॥ ६॥

| verse_line1 = अर्कमण्डलगं विष्णुं ध्यात्वैव त्रिपदीं जपेत् ।

| verse_line2 = सहस्रपरमां देवीं शतमध्यां दशावराम्॥ ७॥

| verse_line1 = आसूर्यदर्शनात्तिष्ठेत् ततस्तूपविशेत वा ।

| verse_line2 = पूर्वां सन्ध्यां सनक्षत्राम् उत्तरां सदिवाकराम् ।

| verse_line3 = उत्तरामुपविश्यैव वाग्यतः सर्वदा जपेत्॥८॥

| verse_line1 = ध्येयः सदा सवितृमण्डलमध्यवर्ती नारायणः सरसिजासनसन्निविष्टः ।

| verse_line2 = केयूरवान् मकरकुण्डलवान् किरीटी हारी हिरण्मयवपुर्धृतशङ्खचक्रः॥९॥

| verse_line1 = गायत्र्यास्त्रिगुणं विष्णुं ध्यायन्नष्टाक्षरं जपेत् ।

| verse_line2 = प्रणम्य देवान् विप्रांश्च गुरूंश्च हरिपार्षदान् ।

| verse_line3 = एवं सर्वोत्तमं विष्णुं ध्यायन्नेवार्चयेद्धरिम्॥ १०॥

| verse_line1 = ध्यानप्रवचनाभ्यां च यथायोग्यमुपासनम् ।

| verse_line2 = धर्मेणेज्यासाधनानि साधयित्वा विधानतः ।

| verse_line3 = स्नात्वा सम्पूजयेद्विष्णुं वेदतन्त्रोक्तमार्गतः॥ ११॥

| verse_line1 = वैश्वदेवं बलिं चैव कुर्यान्नित्यं तदर्पणम् ।

| verse_line2 = इष्टं दत्तं हुतं जप्तं पूर्तं यच्चात्मनः प्रियम् ।

| verse_line3 = दारान् सुतान् प्रियान् प्राणान् परस्मै सन्निवेदयेन्॥ १२॥

| verse_line1 = भुक्तशेषं भगवतो भृत्यातिथिपुरस्सरः ।

| verse_line2 = भुञ्जीत हृद्गतं विष्णुं स्मरंस्तद्गतमानसः ।

| verse_line3 = आचम्य मूलमन्त्रेण कोष्ठं स्वमभिमन्त्रयेत्॥ १३॥

| verse_line1 = वेदशास्त्रविनोदेन प्रीणयन् पुरुषोत्तमम् ।

| verse_line2 = अहःशेषं नयेत्सन्ध्याम् उपासीताथ पूर्ववत्॥ १४॥

| verse_line1 = यामात्परत एवाथ स्वपेद्ध्यायन् जनार्दनम् ।

| verse_line2 = अन्तराले ततो बुद्‍ध्वा स्मरेत बहुशो हरिम्॥ १५॥

| verse_line1 = कायेन वाचा मनसेन्द्रियैर्वा बुद्ध्यात्मना वानुसृतस्स्वभावम् ।

| verse_line2 = करोति यद्यत्सकलं परस्मै नारायणायेति समर्पयेत्तत्॥ १६॥

| verse_line1 = द्वाविमौ पुरुषौ लोके क्षरश्चाक्षर एव च ।

| verse_line2 = क्षरः सर्वाणि भूतानि कूटस्थोऽक्षर उच्यते॥ १७॥

| verse_line1 = उत्तमः पुरुषस्त्वन्यः परमात्मेत्युदाहृतः ।

| verse_line2 = यो लोकत्रयमाविश्य बिभर्त्यव्यय ईश्वरः॥ १८॥

| verse_line1 = यस्मात्क्षरमतीतोहमक्षरादपि चोत्तमः ।

| verse_line2 = अतोऽस्मि लोके वेदे च प्रथितः पुरुषोत्तमः॥ १९॥

| verse_line1 = यो मामेवमसम्मूढो जानाति पुरुषोत्तमम् ।

| verse_line2 = स सर्वविद्भजति मां सर्वभावेन भारत॥ २०॥

| verse_line1 = इति गुह्यतमं शास्त्रमिदमुक्तं मयानघ ।

| verse_line2 = एतद्बुद्‍ध्वा बुद्धिमान्स्यात्कृतकृत्यश्च भारत'''॥ २१॥

| verse_line1 = रुद्रं समाश्रिता देवा रुद्रो ब्रह्माणमाश्रितः ।

| verse_line2 = ब्रह्मा मामाश्रितो नित्यं नाहं कञ्चिदुपाश्रितः'''॥ २२॥

| verse_line1 = ये मे मतमिदं नित्यमनुतिष्ठन्ति मानवाः ।

| verse_line2 = श्रद्धावन्तोऽनसूयन्तो मुच्यन्ते तेऽपि कर्मभिः॥ २३॥

| verse_line1 = ये त्वेतदभ्यसूयन्तो नानुतिष्ठन्ति मे मतम् ।

| verse_line2 = सर्वज्ञानविमूढांस्तान्विद्धि नष्टानचेतसः॥ २४॥

| verse_line1 = द्वौ भूतसर्गौ लोकेऽस्मिन्दैव आसुर एव च ।

| verse_line2 = विष्णुभक्तिपरो दैवो विपरीतस्तथासुरः॥२५॥

| verse_line1 = स्मर्तव्यः सततं विष्णुर्विस्मर्तव्यो न जातुचित् ।

| verse_line2 = सर्वे विधिनिषेधाः स्युरेतयोरेव किङ्कराः॥२६॥

| verse_line1 = धर्मो भवत्यधर्मोऽपि कृतो भक्तैस्तवाच्युत ।

| verse_line2 = पापं भवति धर्मोऽपि यो न भक्तैः कृतो हरेः॥२७॥

| verse_line1 = मन्मना भव मद्भक्तो मद्याजी मां नमस्कुरु ।

| verse_line2 = नित्यं भवेच्च मन्निष्ठो बुभूषुः पुरुषस्सदा॥२८॥

| verse_line1 = एष नित्यः सदाचारो गृहिणो वनिनस्तथा ।

| verse_line2 = वैश्वदेवं बलिं दन्तधावनं चाप्यृते वटोः॥२९॥

| verse_line1 = एवमेव यतेः स्वीयवित्तेन तु विना सदा ।

| verse_line2 = मूलमन्त्रैः सदा स्नानं विष्णोरेव च तर्पणम्॥३०॥

| verse_line1 = विशेषो निष्क्रिययतेरजलाञ्जलिना तथा ।

| verse_line2 = तर्पणं तु हरेरेव यतेरन्यस्य चोदितम्। समिद्धोमो वटोश्चैव स्मृत्वा विष्णुं हुताशने॥३१॥

| verse_line1 = सर्ववर्णाश्रमैर्विष्णुरेक एवेज्यते सदा ।

| verse_line2 = रमाब्रह्मादयस्तस्य परिवारत एव तु॥३२॥

| verse_line1 = कविं पुराणमनुशासितारम् अणोरणीयांसमनुस्मरेद् यः ।

| verse_line2 = सर्वस्य धातारमचिन्त्यरूपम् आदित्यवर्णं तमसः परस्तात्॥३३॥

| verse_line1 = वेदाहमेतं पुरुषं महान्तम् आदित्यवर्णं तमसस्तु पारे ।

| verse_line2 = सर्वाणि रूपाणि विचिन्त्य धीरः नामानि कृत्वाभिवदन् यदास्ते॥ ३४॥

| verse_line1 = धाता पुरस्ताद्यमुदाजहार शक्रः प्रविद्वान्प्रदिशश्चतस्रः ।

| verse_line2 = तमेवं विद्वानमृत इह भवति नान्यः पन्था अयनाय विद्यते॥ ३५॥

| verse_line1 = आनन्दतीर्थमुनिना व्यासवाक्यसमुद्धृतिः ।

| verse_line2 = सदाचारस्य विषये कृता सङ्क्षेपतः शुभा॥ ३६॥

| verse_line1 = अशेषकल्याणगुणनित्यानुभवसत्तनुः ।

| verse_line2 = अशेषदोषरहितः प्रीयतां पुरुषोत्तमः॥ ३९॥