JSON:Tattvasankhyanam: Difference between revisions

"schema": 2,

"text": "स्वतन्त्रमस्वतन्त्रं च द्विविधं तत्त्वमिष्यते ।\nस्वतन्त्रो भगवान् विष्णुः भावाभावौ द्विधेतरत् ॥1॥"

"text": "प्राक्प्रध्वंससदात्वेन त्रिविधोऽभाव इष्यते ।\nचेतनाचेतनत्वेन भावोऽपि द्विविधो मतः ॥2॥"

"text": "दुःखस्पृष्टं तदस्पृष्टमिति द्वेधैव चेतनम् ।\nनित्यादुःखा रमाऽन्ये तु स्पृष्टदुःखास्समस्तशः ॥3॥"

"text": "स्पृष्टदुःखा विमुक्ताश्च दुःखसंस्था इति द्विधा ।\nदुःखसंस्था मुक्तियोग्या अयोग्या इति च द्विधा ॥4॥"

"text": "देवर्षिपितृपनरा इति मुक्तास्तु पञ्चधा ।\nएवं विमुक्तियोग्याश्च तमोगाः सृतिसंस्थिताः ॥5॥"

"text": "इति द्विधा मुक्त्ययोग्या दैत्यरक्षपिशाचकाः ।\nमर्त्याधमाश्चतुर्धैव तमोयोग्याः प्रकीर्तिताः ॥6॥"

"text": "ते च प्राप्तान्धतमसः सृतिसंस्था इति द्विधा ।\nनित्यानित्यविभागेन त्रिधैवाचेतनं मतम् ॥7॥"

"text": "नित्या वेदाः पुराणाद्याः कालः प्रकृतिरेव च ।\nनित्यानित्यं त्रिधा प्रोक्तमनित्यं द्विविधं स्मृतम् ॥8॥"

"text": "असंसृष्टं च संसृष्टमसंसृष्टं महानहम् ।\nबुद्धिर्मनःखानि दश मात्रा भूतानि पञ्च च ॥9॥"

"text": "संसृष्टमण्डं तद्गं च समस्तं सम्प्रकीर्तितम् ।\nसृष्टिः स्थितिः संहृतिश्च नियमोऽज्ञानबोधने ॥10॥"

"text": "बन्धो मोक्षः सुखं दुःखमावृत्तिर्ज्योतिरेव च ।\nविष्णुनास्य समस्तस्य समासव्यासयोगतः ॥11॥"