JSON:Tattvaviveka: Difference between revisions

"schema": 2,

"text": "स्वतन्त्रं परतन्त्रं च प्रमेयं द्विविधं मतम् ।\nस्वतन्त्रो भगवान् विष्णुः निर्दोषाखलिसद्गुणः ॥1॥"

"text": "द्विविधं परतन्त्रं च भावोऽभाव इतीरितः ।\nपूर्वापरसदात्वेन त्रिविधोऽभाव इष्यते ॥2॥"

"text": "भावाभावस्वरूपत्वान्नान्योन्याभावता पृथक् ।\nचेतनाचेतनश्चेति भावश्च द्विविधः स्मृतः ॥3॥"

"text": "नित्यमुक्तश्च सृतियुक् परतन्त्रोऽपि चेतनः ।\nद्विधैव श्रीर्नित्यमुक्ता सृतियुक्च द्विधा मतः ॥4॥"

"text": "मुक्तोऽमुक्त इति ह्यत्र ब्रह्मान्ता उत्तरोत्तरम् ।\nमुक्ताः शतगुणाः प्रोक्ताः रमा तेभ्योऽखिलैर्गुणैः ॥5॥"

"text": "नित्यं बहुगुणोद्रिक्ता ततोऽनन्तगुणो हरिः ।\nअमुक्तास्त्रिविधास्तत्र नीचमध्योच्चभेदतः ॥6॥"

"text": "मुक्तियोग्यास्तत्र चोच्चा नित्यावर्तास्तु मध्यमाः ।\nनीचा नित्यतमोयोग्या द्विधैवाचेतनं मतम् ॥7॥"

"text": "नित्यानित्यत्वभेदेन देशः कालः श्रुतिस्तथा ।\nभूतेन्द्रियप्राणगुणसूक्ष्मरूपं च नित्यकम् ॥8॥"

"text": "एषां विकारोऽनित्यः स्यान्नित्या एव हि चेतनाः ।\nगुणक्रियाजातिपूर्वा धर्मा सर्वेऽपि वस्तुनः ॥9॥"

"text": "रूपमेव द्विधं तच्च यावद्वस्तु च खण्डितम् ।\nखण्डिते भेद ऐक्यं च यावद्वस्तु न भेदवत् ॥10॥"

"text": "खण्डितं रूपमेवात्र विकारोऽपि विकारिणः ।\nकार्यकारणयोश्चैव तथैव गुणतद्वतोः ॥11॥"

"text": "क्रियाक्रियावतोस्तद्वत् तथा जातिविशेषयोः ।\nविशिष्टशुद्धयोश्चैव तथैवांशांशिनोरपि ॥12॥"

"text": "य एतत्परतन्त्रं तु सर्वमेव हरेः सदा ।\nवशमित्येव जानाति संसारात् मुच्यते हि सः ॥13॥"